أنا بنت صغنتوتة وشقية
زي الفراشات قالوا عليا
بلعب واجري .. واكتب وارسم
علشان بابا يجيبلي هدية
ماما قالتلي عمرك خمسة
عديهم بصوابعك ديا
مرة فتحت التليفزيون
ملقتش قناة الكرتون
بس لقيت ناس بتقول
عبارات وكلام مش مفهوم
في بيقول دي عربية
وتاني يقول .. اسرائيلية
وواحد تالت .. اسلامية
وفـ النص ديانة وجنسية
قلت لماما .. أنا مش فاهمة
قالتلي هكبر واتعلم ..
بس اصبر واستنى شوية
وباستني في خدي بحنية
رحت بعيد .. فكرت كتير
ورجعت لمام ترد عليا
ماما..
أنا عايزة أتعلم دلوقتي
واعرف زي الناس ديا
ماما ..
ايه معنى كلمة جنسية؟؟!!
قالتلي لما تكوني في مصر
ويقولوا إنك مش مصرية
امال أنا لو مش مصرية
هكون يا ماما من غير جنسية؟؟!!
لا يا حبيبتي انتي يا توتة .. فلسطينية
طيب ليه ساكنة في مصر
قالتلي لأنها عربية
طيب ماما..
وإسرائيل ؟ مش عربية ؟؟!!
لا ياحبيبتي اسرائيل مش عربية .. اسرائيل .....
استني يا ماما عليا شوية
طيب ليه عالتليفزيون
الراجل قال اسرائيلية
مع عربية .. واسلامية
!!
قالتلي فلسطين عربية .. اسلامية
اغتصبوها اليهوديين
وقالوا عنها اسرائيلية
بالراحة يا ماما شوية شوية
يعني إيه اغتصبوها؟!
ايه الكلمة الوحشة ديا ؟؟!
يعني يا قلبي .. سرقوا بيوتنا
وقتلاو جدو .. وتيتة هنية
وطردوا بابا برا بلاده
فسكنا في بلاد عربية
أنا فكرت .. وسكت شوية
ورجعت لماما ..أسألها
طيب مش في بلاد عربية؟؟
قالت ايوا .. كتير يا حبيبتي
هي كمان مخطوفة يا ماما .. وبيقولوا عنها يهودية؟؟
قالت لا .. وعينها بتبكي
وحضنتني وباستلي إيديا
ماما حبيبتي .. بتبكي ليه
أنا زعلتك؟؟
ردي عليا
لا يا حبيبتي .. أنا زعلانة
لأن فلسطين .. فيها نار وحصار
وكل الحكومات العربية
سايبينها للصهيونية
ماما .. ماما .. استني استني
مش فاهماكي .. عيدي كلامك
حبة حبة .. شوية شوية
أنا عارفة معنى كلمة نار
بس حصار؟؟
ايه ديا؟؟
يعني تكوني يا توتة في حتة
مفيهاش نور.. مفيهاش مية
تيجي تجري .. تلاقي سور
تيجي تنامي .. تلاقي شوك
تيجي تبكي .. تلاقي خوف
والخنقة ملاحقة أنفاسك
مش عارفة تعيشي بحرية
اتخضيت ..
وفـ حضن أمي نفسي رميت
وبكيت وبكيت .. بكيت .. بكيت
ورجعت أبصلها بخوف
باين .. مرسوم جوا عنيا
ماما .. في أطفال زيي هناك؟؟!!
في أطفال في الحتة ديا ؟!!
ماما قالتلي .. لأه يا توتة
إوعي تخافي..
من كتر الرعب .. وكتر الضرب
مبقاش أطفال في المنطقة ديا
وحضتني جامد وقالتلي .. آآآآآآآآآآآه
ودموعها السخنة نازلة عليا
*********
والآآآآن ....
إلى كل اناس فى كل مكان...
إليكم يامن تنامون ملء جفونكم...
وتحلمون بغد أفضل لأبنائكم....
إليكم يامن تنعمون بالدفء فى كل ليلة...
وتضحكون ملء أفواهكم كل مساء...
إليكم جميعا...
نتسائل؟؟؟
من يكون لأهل غزة المحاصرة؟؟؟
من يكون لاطفالهم المرضى؟؟؟
من يكون للمسنين العجزى؟؟؟
من يكون لنسائهم الثكلى؟؟؟
إليكم ياأهل غزة وياشبابها أملئوا قلوبكم بالأمل
وأعلموا أن هذه الأحداث هى بداية النهاية
فعليكم بالصمود والإصرار على الحق
ولا تيأسوا مهما كان الظلم
وأثبتوا للباطل أنه سيظل غبيا لأنه لم يتعلم أبدا
ولم يجد قراءة التاريخ....
فصبرا أهل غزة إن النصر قريب باذن الله
***********
بقلم :النجمة الصامدة،
الشاعر هلال،
عبد الرحمن ياسين
هناك 50 تعليقًا:
اول تعليق اهو
انها فعلا كلمات تبكى من كان قلبة صلبا
ويارب يا كريم يا عزيز يا غفور انصر بفضلك الاسلام وثبت يا رب العالمين المسلمين فى كل مكان
كلمات قوية معبرة عن فكر جيد واحساس رفيع
والله ان لها وقع على القلب
ولا نملك الا حسبنا الله ونعم الو كيل
جميلة عايزه اتعلم ..لازم تتعلم فعلا من صغرها
بكره حاتكبر توته وتكبر
بكره النور يكبر جواها
كل صغير لازم يكبر
توته وكل اخوتها معاها
عمر ماظالم يقدر يكسر
نور بيشقشق جو قلوبنا
بكر حاترجع توته لبيتها
هي وكل اخوتها معاها
.......................
الله اكبر ولله الحمد
ومبروك تدشين اول بوست في المدونه
وانشاء الله يكلل ههذا الجهد بالنجاح
الشاعر بن هلال
ماشاء الله
ياتري كام توتة في غزة
وكام توتة مالحقتش تتكلم ولا تتعلم
ربنا يثبتهم وينصرهم
ربنا يبارك في عملكوا ماشاء الله اول بوست جميل جدا
جزاكم الله خيرا..
ماشاء الله مدونه جميله
وبوست رائع
إيه الروعه دى
وايه الكلمات اللى يتغنى لواحدها
بجد دى فن جديد
كلمات بتغنى بنفسها
يعنى لا هندوخ ونجيب ملحن
ولا منشد
ولا انتاج
كله فى الكلمات
....
جزاكم اله خيرا
اللهم حرر غزة والاقصى وفلسطين
اللهم عليك بكل ظالم متجبر
اللهم امين
تسلم ايديكم يا اجدع ناس
بجد الكلمات رائعة
مش عارفة اقول ايه غير بارك الله فيكم
تحياتى ليكم كلكم
وتقبلوا مرورى
اختكم خيخة
اولا مبروك ع المدونة الجديدة
الف الف مبروك
واننا فعلا عائدون
اختيار موفق فعلا للعنوان
بس توته وجعتنى اوى
بجد ابكتنى
ربنا ينصر المسلمين يارب
وبوست بجد رائع لكل اعضاء الفريق
وسلامى ليكى يااخر العنقود يا سكر معقود
والله دايما عسل يابنتى
اختك سمسم
مع انى سبق لى وان أدليت برايى فى توتة الا انى أجد نفسى راغبا فى التعليق مرة أخرى ، لا أعرف سبب تلك الرغبة ولكن ربما لأنها تترك أثرا فى نفسى كلما قراتها ، سلمت يداك ياصامدة وبورك لك فى قلمك وجعله الله أحد من السيف على رقاب الاعداء ، واسال رب العزة ان يجعل هذا البوست فى هذه المدونة بمثابة ضربة البداية فى المباراة النهائية بيننا وبين العدو والتى ستنتهى بالطبع بالنصر المبين لنا كما وعدنا الرحمن
....تحياتى
بجد مفيش تعليق على الكلام ده بجد اكتر من انى اقول انى ارتحت وانا بقراه البساطه والسهوله لهم معنى واحد عندكم
بجد اول مره ادخل وهكون هنا دايما
يارب انصرهم كما نصرت من قبلهم ؟
عايز أتعلم
الحجز هنا بفلوس على فكرة عايزين نلم تكاليف الفريق
D:
أحمد فلا
اللهم امين امين
ولكننا لا نريد بكاء العجزة
نريد أدمعا كالحمم على أعدائنا
بوركت
عايز أتعلم تاني
هي شغلانة ؟؟
هههههههههه
جزيت خيرا
وطبعا مخدتش بالك غير من اللي يهمك
D:
الشاعر بن هلال
كعادتك ردود مميزة
مبروك علينا جميعا
عبد الفتاح
صدقت والله
الله المستعان
جزيت خيرا وبورك فيك
اخونا حسام
جزيت خيرا
شرفتنا بالمرور
فارس الأزهر
كالعادة .. نفخ نفخ
بالراحة عالعالم هنفرقع كدا
ههههههههههه
أكرمك الله ويارب نكون عند حسن الظن
ابلة خيخة
منووورة يا ابلتي
هههههه
جزيتِ خيرا حبيبتي
دعواتك دائما نحتاجها
سمسم
معلش انا اللي هرد عليكي مش اخر العنقود
>>> غلاسة بقى
اصلي واحدة فاضية
:)
الله يبارك فيكِ يا حبيبتي
ويرزقنا واياكِ التوفيق
ممكن اخر العنقود تبقى ترد عليكي تاني لوحدها انا مش همانع
هههههه
دكتور عبد الرحمن
امييييييييييييييييييييييييييييييييييييييييييييييييييييييييييييييييييييييييييييييييييييييييييييييين يارب
بارك الله فيك
صوت من مصر
وجودك يشرفنا يا فندم دائما
اسعدنا المرور
شكرا جزيلا
معلش انا غلست ورديت على الناس كلها
بس هو كدا بقى وضع يد
اللي يلحق يرد قبلي يبقى يرد
D:
سلااااااام
البوست رائـــــــع
ومعانيه وكلماته تبكى القلب
بس حقيقى رائع
بارك الله فيكم وجزاكم خيرا
الله أكبر ، الله أكبر ، الله أكبر...ما أعظمكم من فتية ؟
دمتم لنا ذخرا وقدوة ....
كلمات ....هي صورة ....ومعانِ ...هي حقا لنا أسطورة ...
كأني بالفعل أشاهد وأسمع في نفس الوقت...الله عليكم يا أخواتي
فاللهم يا رب السموات السبع ومليك الأرض ،انصر إخواننا وأري اليهود الكفرة عجائب غضبك ، كما لم تُرها لأقوام سابقين ...!!!!
إخوتي أريد أن أنضم إليكم ، وأعيش مع رسالتكم ...فكيف الوصول إليكم ؟؟؟مستني الرد ...أريد أن أعمل شيييييييييئ..
طبتم جميعا
جزاكى الله خيرا على حسن الطرح ونفع الله بكى
أدعوكى لزيارة مدونتى أفاق الإسلام
http://islamic-horizon.blogspot.com/
طيب ألحق أرد على التعليقين قبل النجمة
:)
وضع يد بقى
:)
بقول بس لسمسم الله يبارك فيكى
وطبعا صمود قامت بواجب الترحيب
منورة ويارب دايما
غير معرف
جزانا واياكم
ومروك يسعدنا
غير معرف
اللهم آمين آمين
جزيتم من الخير الكثير
ونرجو دوام التواصل وذكر الاسم للمعرفة
رزقك الله وايانا الاخلاص والقبول
ما شاعء الله عليكم
عمل جماعى متميز جدا"
بارك الله فيكم وجعل ما تفعلون فى ميزان حسناتكم
اللهم انصر اخواننا فى فلسطين الحبيبة اللهم امين
نفسى اشارك معاكم باى حاجة اذا سمحتوا
اسماء ابوزيد
أنا كان اول مره ادخل هنا امبارح
وفضلت فاكرها لحد النهاره
وقولت ادخل اشارك
......................
اولا الشعر جميل جدا
وادراج البراءه مع المصير رائع
ومؤثر حقا
.....................
أنا ليه تعليق صغير على البنر بتاع المدونه
بما اني بافهم شويه صغيرين جدا جدا في التصميم
ومن حقكم تقبلوها او لا
بس هوه شد انتباهي لانه رائع فعلا
1 ـ النار اللي في الخلفيه
ياريت اعلاها يبقى فيه درجه احمرار واسفلها درجه ازرقاق
2 ـ عائدون السوداء في الخلفيه
ياريت تكون اكثر وضوحاوالى الاعلى قليلا
3 ـ عائدون الذهبيه جربوها باللون الاخضر
4 ـ عائدون الذهبيه ايضا ياريت تبقى مائلهitalic
كانها رايحه بسرعه للجنب الاخر من الخلفيه وتعززها التشبيحات الصفراء من حولها اللي ياريت تتقل شويه علشان تخلي عين الملثم وكأنها محدده من الاسفل بها ومن الاعلى بإطار الصوره
5 ـ عائدون اللاتيني ياريت يبقى بعدها .blogspot
متدرجه
وقبلها
www.
متدرجه ايضا في الopacity
بتاعتها بالاقل كلما ابتعدنا عن المركز
لان الكتابه بالحروف اللاتيني في اللغه العربيه به اسفاف للغه العربيه الا اذا استدعى الامر ذلك وهو هنا التذكير بعنوان المدونه على اللينك بار
...............................
وأخيرا
أرجو أن تتقبلوا هذه الاقتراحات بصدر واسع وان لم يتم اخذها في موضع الاعتبار
وإلى الله قصد السبيل
وأنا معكم بإذن الله
أسماء باشا
كلمي أماني وشوفي هتقدري تشاركينا بإيه
وبإذن الله ننظر في أمرك
ههههههههههه
ربنا يكرمك يا حبيبتي
أستاذنا الكريم أنا إنسان
هنفذ تعليقات حضرك عالبنر وهشوف النتيجة عاملة ازاي ولو كويسة هحطه باذن الله
جزيت خيرا على المشاركة الايجابية
:)
استاذي
انا جربت الخطوات اللي حضرتك قلت عليها
بالنسبة للنار بجد طلعت رائعة جزيت خيرا
عائدون السودا عملتها
عائدون الذهبية
لما جربتها اخضر الديزاين بقى حفلة
D:
فمعلش عديلنا الحتة دي
وميلها منفعش لانها اصلا كانت مايلة الناحية التانية ولما اخترتلها الاوبشن ايتلايك يدوووب ظبطت واقفة
اما بالنسبة لعائدون الانجليزية
فهي فعلا للتذكير بالعنوان بس الاضافات اللي حضرتك قلت عليها عملت زحمة جامد في التصميم فمعلش دي كمان وعامة عشان الاحساس بالاسفاف اللي جه لحضرتك دا انا ضغرتها شوية
:)
اي خدمة مش حارمينكو من حاجة اهو
وبجد جزاكم الله خيرا على فكرة النار عشان دخلت دماغي اوي
هههههههه
سلامات
السلام عليكم ورحمة الله
انطلاقة اكتر من رائعة
لمدونة تحمل فكرا غاليا علي قلوبنا
بفريق يستطيع بإذن الله أن يحقق أحلامه وافكاره .
وعلي استعداد أن يضحي بكل غالي ونفيس في سبيل تحقيق هذا الحلم الكبير الذي يحلم بيه كل مسلم وكل عربي من كل انحاء العالم .
بارك الله فيكم وأعانكم علي توصيل اهدافكم
وفقكم في تحقيق حلمكم الذي بإذن الله سيصبح حقيقة عما قريب وبإيديكم وايدينا.
هاني جابر
جزيت خيراً أخي الكريم هاني على مشاركتك وتحفيزك ... ولكننا نتعشم فيك أكثر من ذلك
نود لو أن تشاركنا ولو بأفكارك ..حتى يخرج من أيدينا عمل جليل عسى أن يتقبله الله منا ويدخلنا به الجنة
وعسى أن يتحقق حلمنا كما ذكرت طالما أن له معنى
ولولا وجود المعنى لضاعت الأحلام ...ولولا وجود الأحلام لضاع الانسان
جزيت خيرا ودمت بكل خير
بسم الله
حي في قلوبنا
حملة طلاب طب طنطا لنصرة نبينا الكريم
www.aliveinourheart.blogspot.com
شارك معنا فـ"الحملة حملتكم"
تحياتنا
قمة الروعة وقمة الوجع تنبض بها تلك الكلمات ..
مهما طال الظلم والقهر لن تنحني هامات الاحرار , وستتحول دماء الشهداء لنور ونار , نار يسطع ليؤكد ان دولة الظلم ساعة ودولة الحق الي قيام الساعة , ونار تحرق هؤلاء من دنسوا الارض وزرعوا الموت
تقبلوا مروري
جزالكم الله خيرا
السلام عليكم ..
والله كلمات اكثر من رائعة .. شكرااا لكم يا شعرااااااااء
أخوكم إخوانى حتى النخاع
http://ikhwangeeee.blogspot.com
كلمنجي بنى له بيت
سرحنجي سكن له فيه
أحمد سعيد
بورك فيكم وجزيتم خيرا
الفارس الملثم
بمثل هذا العزم يكون النصر
تحياتي
ابو مالك
واياكم سيدي
اخوانجي
الروعة في مروركم وجزيتم خيرا
غير معرف
حلوة الكلمة دي اوي على فكرة
D:
شكرا على الاضافة
ههههههههههه
جزاكم الله كل خير على زيارتكم الطيبة
وهديتى لكم هى ( فأستقم كما أمرت ومن تاب معك ) صدق الله العظيم ونحن معكم ايها الرماء اشراف هذا الامة الساعيين نحو الاعزاز . فثبات من الله يظلكم ينصركم على كل ظالم رعديدى . ويزيل عنكم كل يأس وإحباطى . ونشهد الله اننا نحبكم ايها الاخوان جميعكم فى الله
أخوكم / أسامه جابر
جزاكم الله خيرا
ادعوكم فريق عائدون بالزياره الى ركن المقالات فى شبكة ومنتديات الندى
http://www.alnada4.com/islam/
وجزاكم الله خيراا
مبروووووووووووك مبروك بجد... ودمتم
كلام حلو جدا واحساس رائع تسلم ايديكوا ياشباب وصبايا
إرسال تعليق